اختارت الفنانة رانيا محمود ياسين الظهور بزي رسمي خلال ندوة فيلمها “قشر البندق” الذي تم ترميمه من جديد وعرضه ضمن فعاليات مهرجان الجونة السينمائي في دورته السابعة.
وارتدت رانيا محمود ياسين بدلة بلون أسود وخطوط طولية بيضاء، وارتدت أسفل البليزر كارديجان طويل من الدانتيل الأبيض، من تصميم بهيج حسين.وفيلم “قشر البندق” إنتاج عام 1995 وبطولة محمود ياسين وحسين فهمي ورانيا محمود ياسين وعبلة كامل ومحمد هنيدي وعلاء ولي الدين وحميد الشاعري، وإخراج خيري بشارة
.وقالت رانيا محمود ياسين لـFilFan.com: “الفيلم اتظلم اللي غير شكل السينما المصرية وعمل جيل جديد هو (قشر البندق) مش فيلم (إسماعيلية رايح جاي)، (إسماعيلية رايح جاي) قدم محمد هنيدي بشكل جديد محمد هنيدي كان نجم وعامل أفلام قبلها، إنما اللي غير شكل السينما هو (قشر البندق) وطلع جيل جديد”.وتابعت رانيا محمود ياسين: “قابلت شاب عنده 20 سنة سألني هو مين كان مع حضرتك في الفيلم قلت له هات ورقة وقلم محمد هنيدي وعلاء ولي الدين وعبلة كامل ودينا وحميد الشاعري وأبويا الله يرحمه وأستاذ حسين فهمي وأستاذة مريم فخر الدين وخالد الصاوي وطارق لطفي، الفيلم قدم جيل كامل، الفيلم اتظلم لأنه أتاخد حقوق ملكيته لقناة art وهي قناة مشفرة مش كل الناس بتشوفه لكن هو تجاريا نجح، دا الفيلم الوحيد اللي أبويا كسب فيه كإنتاج، هو أنتج أفلام تانية لكن دا الفيلم اللي قدر يكسب فيه”.
