أخبار الفن

بعد بيانه “أسرتي بتموت بالبطيء” إبنة الممثل الهـ ــارب محمد شومان ترد عليه ببث مباشر “متبريين منك وحنشيل اسمك من البطاقة” ..فيديو

ردا على البيان الذي أصدره الممثل الهــــ ـــــارب محمد شومان، مناشدا فيه السلطات إنقاذ أسرته من الموت البطئ داخل مصر، ردت ابنته “لوجين” على هذا الأمر في فيديو جديد.

أكدت لوجين أن شومان لا يمثلهم ولا يعتبرونه أبا، مطالبة إياه بعدم التدخل في حياتهم مرة أخرى، قائلة: “إحنا مش أسرتك لأن أنت مجرد اسم في البطاقة، ليس لنا أي صلة بيك مهما كانت.. علاقتنا انتهت من 5 سنين.. وأحمد أخويا اللي بتناشد السلطات تطلعه من الســ ـــــجن ده أنت متحملتش مسؤوليته من وهو عنده سنة ونص وأمه اللي ربته.. أنت مش رب أسرتنا عشان تتكلم باسمنا.. أمنا هي رب اسرتنا.. وأحمد مامته هي رب أسرته”.

تابعت: “اتكلم عن أخوك وابن أخوك براحتك لكن أنا وأخويا ملناش علاقة بيك.. والسلطات بتحقق عشان يتأكدوا إنه ملوش علاقة بيك وهما عارفين وهيتأكدوا من ده إنه بعيد عنك تماما.. لو عايز تعمل فيها صورة الأب المناضل انزل وواجه ده بنفسك بس متبقاش قاعد في بلد تانية وتتكلم باسمنا”.

أوضحت لوجين أنها وإخوتها حاولوا كثيرا رفع اسم والدهم من البطاقة والأوراق الرسمية لكن لم ينجح ذلك، مضيفة: “حاولنا كتير إننا نرفع قضايا إننا نتشال منه ميبقاش حتى اسم على البطاقة.. بس معرفناش.. وعشان كده بنوجه رسالة للسلطات لو هما يعرفوا يساعدونا في ده إننا نتبرأ تماما منه”.

واختتمت حديثها قائلة: “أرجوك متتكلمش عننا ولا بلساننا.. إحنا عارفين إن ده مجرد صورة وإنك بتعمله بس عشانك.. أنت بتقول أسرتي بتموت بالبطئ ووجودنا هنا في مصر أذى لينا.. لأ إحنا طول السنين دي إحنا عايشين هنا بقررارنا وكامل إرادتنا وحابين نفضل عايشين هنا.. مفيش اذى من الدولة علينا مفيش حد طالع علينا بأذى غير وجودك… كمل أنت هناك وابني حياتك هناك.. احنا هنا وبنينا حياتنا لوحدنا من غيرك ومش عايزينك”.

كان محمد شومان قد سافر إلى تركيا في بداية 2016، ليعلن انتقاله لتقديم برنامج على قناة “الشرق” الإخوانية التي تبث من هناك.

وصدرت قرارات بحبــــ ـــــسه بتـــ ــــــهمة التحــــ ـــــريض ضد مؤسسات الدولة وإلحاق الضرر بمصلحة البلاد عن طريق بث برنامجه عبر القنوات الفضائية التي تدعم تنظيم جماعة الإخوان المسلمين، مما تسبب فى تكدير السلم والأمن العام وحصوله على تمويل خارجي.

"ياريت السلطات تساعدنا نشيل اسمك من البطاقة"لوجين شومان ابنة الممثل الهارب محمد شومان تشن هجوما حادا عليه

Gepostet von ONtvLIVE am Sonntag, 12. April 2020

مقالات ذات صلة

شاهد أيضاً
إغلاق
زر الذهاب إلى الأعلى