كشفت الفنانة التونسية عائشة بن أحمد، عن أهمية الإنجاب بالنسبة لها، ونوع العلاقة العاطفية التي من الممكن ان تدخلها، وعن أهم الأشياء التي يجب أن تتوافر بهذه العلاقة.
وأكدت الفنانة، أثناء استضافتها ببرنامج “كلمة أخيرة”، والتي تقوم بتقديمة الإعلامية لميس الحديدي، والمذاع عبر فضائية “on”:ـ “موضوع الإنجاب مش أمر كارثي، وفي حاجة اسمها تجميد البويضات وسهل أوي أتبنى طفل، وفي بدائل كتيرة، وممكن مفكرش في كل الحاجات دي وأعيش سعيدة بحياتي”.
وواصلت عائشة:ـ “ياريت يكون في خلفة، ولكني أعتقد إن الحياة هتبقى أجمل وأحسن بدون خلفة”، وحينما سؤلت عن تفضيلها بأن تكون هى الطرف المسيطر في العلاقة مع الرجل، ردت:ـ “مش ممكن أقبل إن الراجل يسيطر عليا، وفي نفس الوقت مش هقبل إني أسيطر أنا كمان، وده بمعنى إنه ضروري يكون في شئ من التوازن”.
وأضافت:ـ “وعلى فكرة مش بحب خالص حد يخنقني ويتحكم في تصرفاتي، وفي نفس الوقت بحب أحترم الراجل ومعملش حاجة تضايقه، والموضوع بينا لازم يكون في تواصل وفهم واحترام.. لا تخنقني ولا أخنقك”.
وحينما سؤلت عن أهم أسباب فشل أغلب العلاقات الزوجية من وجهة نظرها، علقت:ـ “أهم مشاكل هدم العلاقات الزوجية بسبب العند وعدم التواصل، وإن الشخص بيكون مُتخيل إن الفتاة دي بتاعته ومش هتطلع براه، وإن بقائها أمر طبيعي، والعكس عند الفتاة”.
وحينما سؤلت بن أحمد، عن موقفها من الزواج أجابت:ـ “حقيقي خايفة من الزواج، وده علشان بيحتاج مجهود وخايفة أتعب واتوجع، وبسبب الخوف الشديد اللي أنا حاسه بيه لحد دلوقتي مش متجوزة”.
وحينما سؤلت عن مواصفات فتى أحلامها، قالت:ـ “ضروري يكون فاهم طبيعة شغلي، ويكون راجل واعي ومُثقف، ومش مهم يكون غني أنا مش مادية وعاوزاه يكون في نفس مستوايا، وده علشان ما يعملش مشاكل نفسية عنده، والمعروف إن الست مش هتتضايق ولكن هو هيكون عنده مشكلة نفسية، وعلشان السبب ده عاوزاه يكون في نفس مستوايا”.
المصدر: موقع نجوم مصرية.
