إسعاد يونس تحــ..ـــكي ذكر،ياتها مع فيلم “الأفوكاتو”: عادل إمام الوحيد اللي كان فاهمه وكنت هتحـ..ــــبس بسببه
استعادت الفنانة إسعاد يونس ذكرياتها مع فيلم “الأفوكاتو” الذي شاركت في بطولته إلى جانب الفنان عادل إمام والفنانة يسرا.
وقالت إسعاد يونس خلال حوارها ضمن فعاليات الدورة السابعة من مهرجان الجونة السينمائي عن كواليس فيلم “الأفوكاتو”: “الفيلم كان صعب لأنه تأليف وإخراج رأفت الميهي وهو من عباقرة السينما المصرية، الوحيد اللي كان فاهم الفيلم هو عادل إمام، إحنا بنصور وبنحاول نفهم إحنا مش عميقين، عادل إمام كان فاهم المورال اللي ورا الفيلم”.وتابعت إسعاد يونس: “كواليس التصوير كانت رهيبة روحنا نصور في الإسماعيلية وكان فيها حي جديد محدش ساكن فيه يا دوب البيوت واخدة اللون، ونزلنا في أوتيل أنا ويسرا مع بعض في أوضة فيها سريرين وحوض بس، في تفاصيل كتير يصعب شرحها”.أكملت: “في يوم أخدونا هنصور في الشقة اللي بنعيش فيها كانت دور أرضي، الحي فاضي تماما دخلنا نصور طلعنا لقينا الإسماعيلية كلهم برا البيت، وقتها كانت الدنيا مطرة وحطولنا طوب نعدي عليه جرينا بسرعة وقعدنا في مدرسة فاضية عقبال ما يمشوا الناس، فضلنا محبوسين لفترة ولقينا النسخة الأولى من الفيلم وبقينا نتخيل المشاهد بطريقة غريبة”.واختتمت إسعاد يونس حديثها عن ذكرياتها مع الفيلم: “من ذكريات الفيلم أنه انتهى بمشكلة كبيرة كنا هنتحبس وحصل قضية ومعرفش ليه اتهمت إني واقفة في المحكمة بغري الهيئة وأنا لابسة جلبية وطرحة وكنت هتحبس لكن عدت على خير والفيلم بقى من الكلاسيكيات ومن أهم الأفلام ونتج عنه الصداقة الطويلة بيني وبين يسرا”.وحضر الجلسة الحوارية مع إسعاد يونس عدد من النجوم منهم أحمد داود وعلا رشدي وأمينة خليل ورانيا يوسف وحسين فهمي وأحمد حاتم وداليا البحيري وحازم إيهاب وطارق الإبياري وبوسي شلبي ويوسف عثمان وغيرهم من النجوم
