“امي شبهت عليا لما شافتني في التليفزيون”… حكاية نانسي صلاح المحزنة التي حرمت من والدتها طيلة عمرها

نانسي صلاح (مواليد 7 مارس 1990) هي ممثلة مصرية، أشتهرت لدورها في برنامج ساترداي نايت لايف بالعربي.

وتألقت الفنانة نانسي صلاح مع زملائها في البرنامج الكوميدي snl بالعربي والمقتبس من نظيره الأمريكي َالذي بعتمد على مجموعة من الاسكتشات الكوميدية بحضور فنان مشهور.

وكان للفنانة نانسي صلاح قصة عجيبة في مجال الفن اذا كانت تريد ان تعرفها والدتها التي حرمت منها طيلة عمرها بسبب طلاقها من والدها وهى طفلة.
وحكت نانسي تفاصيل ذلك خلال لقاء تليفزيوني قالت فيه الاتي:

– أنا بابا و ماما انفصلوا و أنا صغيرة ، عشت شوية مع مامتي بعدين بابا خدني و انا ٣ سنين و خباني خالص.

منع مامتي تشوفني ، و قالي بصي انتي هتقعدي معايا شوية و بعدين هنروح لماما ، لكن هو معملش كده..

كنت كل ما اقوله عايزة اشوف ماما يقول حاضر الأسبوع الجاي طب الأسبوع اللي بعده ، لحد ما في مرة اتخانقت معاه قلت له على فكرة أنا بكرة لما أكبر هشتغل في التليفزيون و ماما هتشوفني و تجيبني و مش هجيلك هنا تاني ، و دارت الأيام و السنين و الفكرة لسه في دماغي..

= فكرة إيه يا نانسي ؟

– فكرة اني اطلع في التليفزيون و ماما تشوفني و تاخدني..

= قعدتي كام سنة متشوفيش مامتك ؟

– ٢٧ سنة و مكنتش اعرف شكلها لأن مكانش عندي اي صور ليها
= و مهما اترجيتي باباكي مكانش بيقولك هي فين ؟

– لأ .. و فاتت السنين و بعد أكتر من ٢٧ سنة ، لما كبرت و اشتغلت في SNL ، تحديدا في الموسم التالت انا وقتها تعبت اوي و جالي ڤيروس في المعدة و كنت ٧ شهور نايمة في السرير لا اكل ولا شرب.

لما لقوني بالشكل ده بتعب و عمالة أخس أخس و مفيش حل قالوا يمكن لما تشوف مامتها تخف ، عمتو كانت عارفة مكانها راحوا جابوهالي انا معرفتهاش لما شوفتها ، كانت عايشة طول السنين دي في دولة عربية و مخلفة بنت كبيرة
و طلعت كانت بتتابع snl و كل لما بتشوفني بتحس ان انا بنتها ، و بتقولهم هاتولي البرنامج اللي فيه بنت شبه بنتي.

جدير بالذكر ان والدتها بعدما عادت إليها توفيت وانهـ.ـارت في جنـ. ـازتها وبعدها بيومين رحلت شقيقتها الكبرى.