قال الفنان أحمد فهيم، إن تربطه صلة قرابة بالفنان الراحل خالد صالح (خاله)، معتبرًا أنه مازال حيًّا بالنسبة له ويشعر أنه محاط به دائما.
وأضاف خلال لقائه بالإعلامية إنجي أنور، عبر شاشة ETC، في برنامج «مصر جديدة»، مساء الأحد، أنه عمل مساعدا له لمدة 15 عاما، وكانا يتقاسمان الحياة سويا، متابعًا: «بحس إنه معايا وبيتفرج عليا وأنا بمثل، وأنا متأكد إنه شايفني وحاسس بيا.. وكان دايما بيقولي عاوز الناس يقولوا عليك شاطر».
وأشار إلى نصيحة الفنان خالد صالح له «بلاش تظهر في الإعلام قبل الشهرة»، متابعًا: «فهمت النصيحة دي؛ بعد ما الناس عرفتني كويس في جعفر العمدة».
وفي رسالة مؤثرة ومقتضبة، قال فهيم: «وحشتني.. أنا لو فيا أي حاجة حلوة هتبقى منك».
وأشاد بالمخرج محمد سامي، قائلا: «هو صاحب فضل عليا بعد ربنا سبحانه وتعالى، وهو اللي قدمني وكان له ثقة فيا، وأنا فخور إن اللي قدمني للناس هو».
وقال أيضا :”انا اشتغلت مع الفنان خالد صالح من ايام خلي الدمـ..ـاغ صاحي، والنعامة والطاووس، وميدو مشـlكل وحبيت الموضوع من خلاله جدًا وقولتله انا عاوز امثل .. فـ قالي انه مفيش حاجة اسمها انا عاوز امثل لازم تتعلم الأول وبعدين تمثل لأنه مش هينفع تكون دكتور أو محامي من غير ما تتعلم.”.
وتابع حديثه :”.. واشتغلت وبدأت اتعلم ولما بدأ طريقي يبان ولما كنت بعمل حاجة كان خالد صالح بيقولي كويس ويفضل يقولي انا عاوز اسمع الناس بتقول عنك انك كويس مبخـ..ـلش عليا بأي نصيحه ولا معلومه”.
وقال :”وكان دايما يقولي متعملش حاجه انت مش قدها متعملش دور كبير وانت مش جاهز وعارف ادواتك كلها متروحش اي برامج وتتكلم عن ادوارك غير والناس عرفاك”.
