“عندي حالة اكتفاء ورضا بمشواري الفني”.. ليلى طاهر عن عودتها للعمل بالتمثيل: «عمري ما فكرت أرجع تاني»
“عندي حالة اكتفاء ورضا بمشواري الفني”.. ليلى طاهر عن عودتها للعمل بالتمثيل: «عمري ما ف فكرت أرجع تاني.
أكدت الفنانة الجميلة ليلى طاهر، بأنها لا تفكر في العودة والعمل بالتمثيل مرة ثانية، بعدما أعلنت اعتزالها، وأشارت بأن الأعمال الفنية التي تُعرض في الوقت الحالي تختلف كثيراً عن ما كان يُعرض سابقاُ.
وأكدت الفنانة، خلال تصريحاتها مع القاهرة 24: “عمري ما فكرت إني أرجع وأشتغل بالفن مرة ثانية، وبجد عندي حالة رضا وقناعة واكتفاء بـ مسيرتي الفنية كلها، ومش بفكر أرجع أشتغل تاني خالص”.
وواصلت ليلى طاهر: “عملت تاريخ كبير خلال مشواري الفني، وبجد بحترم التاريخ ده أوي، ومش مستعدة أبداً إني أضيعه، والجمهور بيحبني أوي من خلال أعمالي السابقة، ومش بس كده ده بيحترمها وبيقدرها، وحقيقي الموضوعات اللي بتتناقش دلوقتي تخلتف كثيراً عن الدراما سابقاً”.
وتابعت الفنانة: “وأنا معنديش استعداد إني أرجع وأعمل حاجة أقل من اللي قدمتها قبل كده، وبجد في أعمال كتيرة اتعرضت عليا خلال الفترة الماضية، ورفضها علشان أقل بكتير من اللي عملته، ولكنها مش أقل من قدري كفنانة”.
أحدث ظهور للفنانة ليلى طاهر
وحينما سؤلت ليلى، عن رأيها في الدراما التي تُعرض بالوقت الحالي، ردت: “مبسوطة بالأعمال الدرامية اللي بتتعرض في الوقت الحالي.. حقيقي في مستوى كويس، ولكن بعد غيابي الفترة الطويلة اللي فاتت مش هينفع أرجع وخلاص، وأكيد الجمهور هيكون عاوز ليلى بتاعت زمان بأعمالها الجميلة والرائعة.. ده حتى موضوعات اليومين دول إتغيرت بقى شكلها مختلف تماماً عن موضوعات زمان، ولكني في النهاية سعيدة بالدراما واللي بيقدموها”.
وحينما سؤلت عن علاقتها بالفنانين، علقت: “طول عمري علاقتي بأي فنان كويسة، وطبعاً مش زيارات بشكل مستمر ولا خروجات، وده علشان أنا كبرت وكل شخص فينا بقى في حاله، ولكن لما بيكون في مناسبة بنتقابل مع بعض وبنهني بعض أو بنعزي بعض، وأنا طول الوقت كانت علاقتي بزملائي كويسة ومكنش في خلافات بيني وبين أي زميل ليا”.
