ريم طارق توجه رسالة لـ رضوى الشربيني بعد اعتذارها لـ شاكوش على الهواء: «كل اللي إتعمل كان فيلم ولعب عليا علشان الصحفيين والسوشيال ميديا يبعدوا عنه ويهاجموني»
وجهت ريم طارق طليقة المطرب الشعبي المعروف حسن شاكوش، رسالة للإعلامية رضوى الشربيني، موضحة بأنها أجبرت على الإعتذار حتى تتمكن من أخذ كافة حقوقها.
وأكدت ريم، خلال فيديو قصير نشرته عبر خاصية القصص القصيرة على “انستجرام”،: “أنا عملت الفيديو ده علشان أقول إن الفيديو اللي اتنشر كان علشان أخد حقوقي، وهو كان غصب عني وكان المفروض يتنشر بعد ما أخد كل مستحقاتي وكل شئ ينتهي”.
وواصلت طيقة شاكوش: “ومفيش حاجة اسمها صلح، وكل اللي إتعمل كان فيلم ولعب عليا علشان الصحفيين والسوشيال ميديا يبعدوا عنه ويهاجموني، وياأستاذة رضوى حضرتك مش عارفة أنا إتعرضت لإيه علشان أظهر في فيديو وأقول الكلام ده، وكل الكلام اللي قولته قبل كده كان عليه دليل.. أُقسم بالله كل كلمة قلتها قبل كده معايا بيها دليل، ولكني للأسف قلت الصلح خير لكن الطرف التاني مش ناوي يجبها البر ومش حابب ده”.
وجديراً بالذكر، بأن الإعلامية رضوى الشربيني قامت بالإعتذار لـ حسن شاكوش على الهواء، أثناء تقديمها لحلقتها الجديدة من برنامج “هى وبس”، والمُذاع عبر فضائية “cbc سفرة”، وذلك بعد انتهاء الخلافات بين شاكوش وطليقته ريم طارق.
وأشارة الإعلامية، بأنها تناولت الأزمة مرتين خلال حلقات برنامجها في الفترة الماضية، ولكنها سرعان ما تراجعت عن تعاطفها مع ريم بعدما نشرت فيديو تعتذر فيه لـ شاكوش، وأكدت بأنه شخص محترم وأن ما حدث بينهما سوء تفاهم، بعدما تدخل عدة أشخاص لحل الخلاف القائم بينهما.
وتابعت رضوى: “ريم رجعت في كلامها من خلال الفيديو الأخير اللي اتنشر، وقالت إنها أخذت جميع حقوقها، وأنا دلوقتي بقولك أنا أسفة يا حسن.. أنا رضوى الشربيني وبعتذر ليك يا شاكوش على الهواء”.
ووجهت الإعلامية، رسالة للسيدات وطلبت منهن ضرورة الحفاظ على أسرار بيوتهن، وعدم الإفصاح بها دون أي ضرورة، الأمر الذي قد يتسبب في إثارة إهتمام الآخرين، مثلما حدث مع ريم طارق واتهامها لطليقها بخيانتها مع فنانة مشهورة، دون ذكر أي تفاصيل، الأمر الذي تسبب في إثارة جدلاً كبيراً حول شخصية تلك الفنانة.
المصدر: موقع نجوم مصرية.
