أخبار الفن

هدى الإتربى: «هلبس الحجاب لما أكبر مش دلوقتي»

كشفت الفنانة هدى الإتربى، عن رأيها الشخصى فى ارتداء الحجاب، وأشارت إلى أنها سوف تقوم بارتداءه فى المستقبل حينما تكبر، وتحدثت أيضاً عن علاقتها بربها وأنها تخافه كثيراً.

وأكدت الفنانة، من خلال تصريحاتها مع القاهرة 24 وقالت:ـ “أكيد هيجي عليا يوم من الأيام واتحجب، ولكن مش دلوقتي لما أكبر، وده علشان الواحدة منا لازم تحترم سنها، وبجد الحجاب ليس له توقيت محدد، وكون إني مش محجبة دلوقتي مش معناه إن علاقتي بربنا مش كويسة.. بالعكس ربنا رب قلوب”.

وتابعت هدى:ـ “أنا بخاف من الله وعقابه، وبخاف أعمل حاجة غلط علشان فى ثواب وعقاب، وده ميمنعش إني بحبه بردوا، لأنه حنين عليا ودايماً بيخرجني من أزماتي، وعلى فكرة أنا شخصية بأعتز بديني أوي، وعلاقة الشخص بربه أمر خاص، واللي يحكم على الناس شخص مريض وبشفق عليه”.

وتحدثت الفنانة خلال تصريحاتها، عن أكثر أمانيها فى الحياة حيث قالت:ـ “أنا سعيدة أوي فى حياتي، وكان نفسي والدي يكون معايا ويشوف نجاحي، ولكن دلوقتي كل اللي بتمناه إن ربنا يخلي والدتي ويبارك فيها وتكون دايماً فى أفضل حال وبخير، وأنجح فى شغلي أكتر ويكون عندي عائلة وأولاد”.

المصدر: موقع نجوم مصرية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى