أخبار الفن

زوجة خالد يوسف عن تواجد الفتيات حوله: «أنا مش متجوزة شيخ مسجد أنا متجوزة مخرج»

كشفت الفنانة التشكيلية شاليمار الشربتلي زوجة المخرج خالد يوسف، كواليس من حياتها الشخصية، وأكدت بأنها لا تغار على زوجها حينما ترى العديد من الفتيات بجانبه.

وأشارت الفنانة التشكيلية، خلال لقائها بالإعلامية سهير جودة على هامش حضورها أحد المعارض، قائلة:ـ “أنا مش بغير على زوجي خالد يوسف لما بشوف بنات كتيرة حوله.. أغير ليه؟، دي طبيعة شغله وهما بيحاولوا ياخدوا فرصة في التمثيل، وعلى فكرة أنا مش متجوزة شيخ مسجد أنا متجوزة مخرج”.

وواصلت:ـ “وهو كمان اتجوز رسامة، وبيشوف ناس كتير حواليا وارتبطنا ببعض عن قناعة، وكل واحد فينا عارف طبيعة شغل التاني، وأنا أصلاً شخصية مش غيورة ودي أهم مواصفات برج الدلو”.

وتابعت:ـ “أنا لم أطلق اسم شاليمار على ابنتي، وخالد هو اللي اختاره وحب يعمل فيها رومانسي، واتفاجئت إنه بيكتبها شاليمار، وحقيقي هو وقت ولادة بنتي كان رومانسي أوي، وأنا مش بهتم بالشائعات حول زوجي ولكن بحاول اتجنبها.. إمال اللي متجوزة دكتور أمراض نسا تعمل إيه؟، واللي اختارت الحياة دي يبقى ضروري تعيشها”.

وأضافت:ـ “معنديش عتاب أوجه لجوزي..أعاتبه ليه؟، خالد وقف جنبي في مواقف كتيرة ويارب خليه ليا ولبنتي، وعلى فكرة أنا وخالد مختلفين جداً وكل شخص فينا له أفكار وآراء مختلفة عن التاني، ولكن بيجمع بينا الحب والإحترام حتى في عز أزماتنا”.

وأما عن التربية الحديثة للأطفال، ردت:ـ “أنا لا أقتنع بالتربية الحديثة، ومسئولية الأم أخطر مسئولية في العالم، وضروري تكون الأم قوية مش ضعيفة، والأم اللي بتتعامل مع أولادها بالشوكة والسكينة متبقاش أم، وده علشان كلمة ضنا غالية أوي، وأنا لما كنت صغيرة كتا بتعامل بعنف وبضرب العيال.. كنت طويلة بقى وواثقة من نفسي”.

المصدر: موقع نجوم مصرية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى