ملك أحمد زاهر تنتقد الأسعار بالساحل الشمالي: «الواحدة ناقص تبيع كليتها اليمين علشان تعرف تكمل يومين هناك»
أبدت الفنانة الشابة ملك أحمد زاهر، استيائها من ارتفاع الأسعار الجنوني بالساحل الشمالي، وأشارت بأنها تشعر وكأنها تعيش في حلم.
وأكدت الفنانة، عبر خاصية الأستوري من خلال حسابها الرسمي بموقع التواصل الإجتماعي “انستجرام”، وقالت:ـ “إيه الأرقام اللي بنشوفها اليومين دول في الساحل الشمالي دي؟، وحقيقي أنا خايفة أوي وحاسة إني بحلم، وده علشان أرخص حاجة هنا واللي غالباً بتكون المياة بـ 375 جنيه”.
وواصلت ملك:ـ “بجد فين أيام الساحل الطيب؟، وده علشان ساعتها كنا بنتفرج على مسرحية العيال كبرت يومياً، وكنا مبسوطين ومفيش حاجة اسمها ملل.. فين الأيام دي؟، ده ناقص الواحدة تبيع كليتها اليمين علشان تعرف تكمل يومين في الساحل الشمالي”.
وجديراً بالذكر، بأن العديد من الفنانين سبق وانتقدوا الأسعار الموجودة حالياً بالساحل الشمالي، ومن أبرزهم الفنانة جوري بكر، والتي نشرت مقطع فيديو لها عبر حسابها الشخصي على “انستجرام”، وعلقت:ـ “بجد إحنا بنتعب أوي علشان نجيب فلوس، وأغلب الناس فاكرة إننا بنكسب ملايين.. ده أنا وجوزي متغربين علشان نعيش كويس”.
وتابعت جوري:ـ “ليه الناس بتحسسنا إننا بنتسرق في الساحل؟، وأكيد عمرى ما هدفع 370 جنيه في سندوتش أو إزازة مياه، وبجد ارحموا من في الأرض يرحمكم من في السماء.. اللي بيحصل ده ميرضيش مخلوق.. حرام عليكوا”.
كما سبق وعلق المخرج المعروف خالد يوسف، على ارتفاع الأسعار بالساحل، وكتب منشور عبر حسابه الشخصي على موقع التواصل الأجتماعي “فيس بوك”،مشيراً:ـ “الساحل الشمالي بجد من أجمل الشواطئ اللي موجودة في العالم، ولكنه من أغلى الشواطئ في المعيشة وتكلفة الإقامة، وعلشان كده بأكد إن 5% من الشعب المصري بس هما الي يقدروا يستمتعوا بيه”.
المصدر: موقع نجوم مصرية.
