احتفلت الفنانة ليلى أحمد زاهر والفنان هشام جمال بعقد قرانهما، وهو الحدث الذي ترقبه جمهورهما على مدى الأشهر الماضية.
وأظهر فيديو من حفل عقد القران تواجد رئيس النادي الأهلي محمود الخطيب إلى جوار والد العروس الفنان أحمد زاهر، كما ظهرت بالفيديو شقيقة العروس الفنانة ملك أحمد زاهر.
اللقطات الأولى من عقد قران ليلى أحمد زاهر وهشام جمال
https://vt.tiktok.com/ZSrQ5Vxk4/
وكانت الفنانة الشابة ليلى أحمد زاهر تحدثت عن خطيبها الفنان هشام جمال وأهم ما يميز علاقتهما.
وقالت خلال لقائها ببودكاست “موضوع عائلي” مع صدقي صخر: “لما بتلاقي حد خايف عليك بجد من قلبه ومحترم أوي وبيحافظ عليك زي ما أبوك طول عمره عاش حياته كلها واشتغل وتعب عشان يحافظ عليك، لما تلاقي حد مصدر الأمان في الحياة خلاص مش بتبقى عايز حاجة تانية”.
طالع أيضا – اتحاد النقابات الفنية: تحقيق ثلاثي مع محمد رمضان بعد التأكد من صور وفيديوهات حفل أمريكا
وتابعت ليلى أحمد زاهر حديثها عن هشام جمال: “أنا طول الوقت مطمنة هو مصدر أمان بالنسبة ليا وحاجة مهمة أوي، بحترم علاقتنا وبحبها وببقى عايزة دايما أحافظ عليها وهو كمان، وأهم حاجة الواحد يعرف إزاي يحافظ على العلاقة من دون تدخل أي حد في الحياة أيا كان هو مين، يعني لو في مشكلة بيني وبينه المشكلة دي هتخلص ما بينا مش هتخرج برا عننا”.
اللقطات الأولى من عقد قران ليلى أحمد زاهر وهشام جمال
وأكملت ليلى أحمد زاهر: “بحب في هشام أوي أن هو بيسمعني وبيسبني أتكلم، مش شرط طول الوقت نكون بنفكر بالمنطق، أنا دايما بقوله شكرا أنك بتسمعني، أنا وهشام أصحاب ونعرف بعض بقالنا كتير واشتغلنا مع بعض وعدينا بمواقف كتيرة، أنا أتعلمت منه كتير جدا إحنا كنا أصحاب الأول وبعدين حبينا بعض”.
اللقطات الأولى من عقد قران ليلى أحمد زاهر وهشام جمال
واختتمت ليلى أحمد زاهر حديثها عن هشام جمال: “من ساعة ما حبيت هشام جمال اتعلمت منه حاجات كتير جدا وغير في شخصيتي للأحسن ومخي نضج أكتر وبقيت بعرف أعبر أكتر عن مشاعري مع كل اللي حواليا ومعاه، الحب جميل”.
اللقطات الأولى من عقد قران ليلى أحمد زاهر وهشام جمال
وكان هشام جمال وليلى أحمد زاهر احتفلا بقراءة الفاتحة في يناير 2024 في جو عائلي بسيط، وأعلنا أنهما سيقيمان حفل الخطبة في وقت لاحق.
