رغم مرور نحو 14 عامًا على عرض فيلم «إكس لارج» بطولة الفنان أحمد حلمي والفنانة دنيا سمير غانم، فإن الجمهور مازال مهتمًا بأحداثه وتفاصيله، حتى أن البعض التقط ملحوظة بسيطة وتحتاج لتركيز شديد، واعتبرها «خطأ»، بينما بررها البعض الآخر، إذ دارت المناقشات على منشور اقترب عدد تفاعلات النشطاء فيه من 10 آلاف تفاعل.
منشور متداول حاز على 10 آلاف تفاعل، طرح سؤالا حول الفيلم الذي عُرض عام 2011، بشأن مشهد ارتدى فيه أحمد حلمي «مجدي\ عادل» التيشيرت الذي اشترته «دينا» دنيا سمير غانم لـ«مجدي» الذي ادعى حلمي أنه ابن عمه مختلقًا بذلك شخصية وهمية لاسمه حتى لا تكرهه «دينا» بسبب وزنه الزائد بينما عاش باسم مستعار وهو «عادل».
يرتدي حلمي التيشرت الذي كان يحمل مقاس «small » ظنًا من «دنيا» أن مقاس حبيبها الذي لم تره صغيرًا، فيتحدى حلمي المقاس ويرتديه رغم زيادة وزنه، ويذهب لبيتها لمشاركتها هي وعمتها إفطار رمضان، وأثناء الإقطار يقف لترى التيشرت وبالفعل تندهش أنه ارتداها. (يتضح هذا من الدقيقة 11:45 في الفيديو التالي)
وجاء في المنشور «ازاي ف فيلم X لارج التيشرت كان سمول ولبسه والراجل اللي على التيشرت كان رفيع بقا تخين ازاي؟!».
بينما جاءت بعض التعليقات تختلق مشاهد وهمية في الكواليس، وأخرى تبرر أنه مع ارتداء الملابس كل شيء أصبح ممطوطًا، بينما تساءل آخرون «هوا ليه دنيا سمير غانم أخدت بالها من التيشيرت لما قام وشال الفوطة وماخدتش بالها وهوا داخل البيت وقبل ما يقعد علي السفرة أصلا!».
ومن أبرز التعليقات «هو كان المقصود من المشهد ومن الجملة اللى ع التيشيرت اللى معناها افعل ذلك وانه عشان يلبسه لازم يكون رفيع لكن بيوريك إنه اختار الطريق الأسهل ولبس التيشيرت بالعافية لأنه ضيق جدا ومن كتر ما هو ضيق خلى الراجل اللى ع التيشيرت يتخن معاه بدل ماهو اللى يخس للتيشيرت».
وكتب متابع آخر: «الإجابه إن دنيا سمير غانم جابت لمجدي التيشيرت اللي مقاسه small ف عادل معجبوش الوضع وحب إنه يلبس نفس التيشيرت علشان اتضايق جاب تيشرت ورسم عليه نفس الرسمه لأنه رسام بس رسم المره دي كاريكتر شخصية أتخن مش واحد رفيع ولبس التيشيرت ولما راح العزومه قرر إنه يشيل الفوطة علشان دنيا تاخد بالها إنه لابس تيشرت مجدي علشان يبين ليها إن في مقاسه عادي ونفس التيشرت والرسمة وإن مجدي هو هو نفسه عادل حتى لو حجمه اختلف».
وعلق آخر ساخرًا «علشان كرشه كبير والتيشرت اتشد»، وقال آخر «بص هو اللي حصل بعد لما اختاروا وراح لبسه كان ضيق راح بدله وجاب واحد أكبر وعلشان جاب تيشيرت أكبر فكان الراجل اللي علي التيشيرت أتخن هما عملين أشكال الراجل علي حسب مقاس التيشيرت وكل ده حصل في الكواليس ومكنش لازم المخرج يجيبه علشان وقت الفيلم».
