أخبار الفن

شهيرة رداً على مُهاجـ.ـمى سقوط شيرين الأخير: «الست بتجاهد وبتحاول تسترد نفسها»

قامت الفنانة الجميلة شهيرة، بالرد على الانتقادات التى تعرضت له المطربة شيرين عبدالوهاب، بعد سقوطها الأخير على مسرح الحفل الذى أُقيم لها مؤخراً بـ دبى، الأمر الذى عرضها للهجوم من قِبل رواد السوشيال ميديا.

وقامت شهيرة، بنشر مجموعة من الصور لـ شيرين من حفلها الأخير، من خلال حسابها الرسمى على موقع التواصل الاجتماعى “فيس بوك”، وقالت:ـ “شوفوا بقى أنا عمري ما اتكلمت خالص عن أزمات الفنانة شيرين، وده علشان الحاجات دي شخصية، وبندعلها إن ربنا يخرجها منها على خير”.

وأضافت الفنانة:ـ “ولكن للأسف اضطريت إني اتدخل علشان اللي بيحصل ده كتير، وكلنا عارفين أزماتها اللي مرت بيها وهى بتحاول تجاهد وتخرج منها، وبتحاول تسترد نفسها وفنها وتاريخها الجميل واللي طالما اسعدتنا بيه، فـ ياريت محدش يقسوا عليها ولا يكسرها لمجرد إنها وقعت على المسرح، والموضوع ده حصل مع كتير.. نروح إحنا نجيب القديم والجديد؟.. بنتلكك ولا يه؟”.

وأنهت شهيرة حديثها وقالت:ـ “ومن الآخر شيرين انسانة تُخطئ وتُصيب زي كل الناس، وحقيقي هى من المطربات السوبر اللي يتعدوا على صوابع الإيد، ولا إنتوا عاوزين تخسروها.. هى دلوقتي فى حاجة لجمهورها اللي بيحبها فمحدش يحبطها، وهى فى أمس الحاجة للمساندة وبتقول ليكم أنا رجعت أهو لحضنكم، والمفروض علينا إننا نمد إيدنا ليها بالعطاء والحب، وده علشان هى ادتنا سنين طويلة من عمرها امتعتنا فيها بالفن الجميل، وياريت محدش يبخل عليها بيد المساندة والاحتواء، وعلى فكرة أنا عمري ما قابلتها شخصياً ولكن الموضوع مشاعر”.

المصدر: موقع نجوم مصرية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى