“بعد ظهوره باكياً على تيك توك”.. فادي خفاجة: «أنا لا حصلت فنان ولا إنسان ومش عارف عملت كده إزاي؟»

أعرب الفنان فادي خفاجة، عن استيائه الشديد وشعوره بالندم، بعد ظهورها منذ أيام باكياً في بث مباشر عبر حسابه الرسمي على موقع “تيك توك”، والذي أشار فيه بأنه لا يُعرض عليه أعمال فنية في الوقت الحالي، الأمر الذي دفعه للقيام بعدة جولات على “التيك توك”.

وأكد الفنان، خلال مداخلة هاتفية بأحد البرامج التليفزبوينة: “أنا أسف أنا مش قادر أقول حاجة غير إني كنت في لحظة ضعف، وبطلب من الناس كلها تبص عليا كإنسان قبل ما أكون فنان، ولو الزمن رجع بيا تاني مش ممكن أعمل اللي عملته، وبجد أنا مش عارف أنا عملت كده إزاي؟.. ممكن بسبب الضغوط النفسية واللي سهل توصل الواحد لمرحلة اليأس”.

وواصل الفنان: “أغلب الأوقات الناس بتسألني إنت فين؟، وده علشان أنا لا حصلت إنسان ولا فنان، والناس لما بتسألني انت فين مببقاش عارف أرد وأقول إيه؟، والسؤال ده بيتعرض عليا في اليوم 100 مرة، ومش عارف فيه إيه؟.. كل الفنانين الكبار اللي اشتغلت معاهم كانوا بيقولوا عليا إني كويس، وده طبعاً إداني أمل كبير في إني أكون فنان كويس، وخلاني أقدم في معهد الفنون المسرحية”.

وأضاف فادي خفاجة: “ولما ظهرت في مسلسل الإختيار كنت ضيف شرف، وقلت بعدها إن شاء الله أبواب الخير هتتفتح، وأنا أتحدى أي مخرج يقول إني مش ملتزم في مواعيدي، وأتحدى أي منتج يقول إني بختلف معاه على الأجر، وزمان كان في حاجة كويسة.. كنا بنعرف نقابل المخرج، ولكن دلوقتي للأسف بقا في نظام جديد وصعب إننا نتواصل معاه”.

وجديراً بالذكر، بأن الفنان فادي خفاجة فاجئ الجمهور مؤخراً ببث مباشر وهو ينهار من البكاء، عبر حسابه الشخصي على موقع “تيك توك”، قائلاً: “مين فينا معندوش أخطاء.. أحسن واحد فينا لو عمل لايف وقعد ثانية مع نفسه هيلاقي كله أخطاء، وأقرب واحد ليا هو اللي بينتقدني، والبني آدم الوحيد اللي كنت مستني إنه يدافع عني أول واحد ضربني في ضهري، ومهما الناس حاولت تسكتني مش هسكت، وده علشان من أبسط حقوقي إني أشتغل”.