“بعد تعاونها معه بـ الإسكندراني”.. زينة عن خالد يوسف: «مطمئنة لأني بشتغل مع مخرج قادر يحافظ عليا كـ بني آدمة»
قامت الفنانة الجميلة زينة، بالكشف عن كواليس مشاركتها بفيلم “الإسكندراني” وتعاونها مع المخرج خالد يوسف، وأشارت بأنها مطمئنة من العمل مع مخرج يُحافظ عليها كـ بنى آدمة على حد تعبيرها.
وأكدت الفنانة، خلال تصريحاتها مع القاهرة 24: “طول ما أنا بعمل حاجة مهمة هفضل مطمنة، وده علشان أنا بشتغل مع مخرج رائع زي خالد يوسف، وبجد هو مخرج قادر يحافظ عليا كبني آدمة.. مش بس شغلي ومكانتي، وأنا من زمان إتعلمت إني أشتغل مع مخرجين يكونوا مقدرين قيمة الفنان اللي بيشتغل معاهم ويكونوا عادلين ومُنصفين، وحقيقي خالد يوسف واحد من الناس دي”.
وأما عن تعاونها لأول مرة مع الفنان أحمد العوضي، ردت: “دي أول مرة أشتغل مع العوضي، وبجد سعيدة جداً بتعاوني مع كل الفنانين اللي معايا في العمل، وبحب أو الأستاذ حسين فهمي وبموت فيه، وإشتغلت معاه في بدايتي وأنا عندي 17 سنة، ويمكن ده بيديني إحساس إني عندي تاريخ، وده بسبب شغلي مع فنانين ليهم تاريخ طويل بعالم الفن ومحترمين”.
كما تحدثت عن شخصيتها بفيلم “الإسكندراني”، مشيرة: “هقدم شخصية مختلفة تماماً، وبقوم بدور بنت اسكندرانية اسمها قمر، وهى بنت جدعة وبتعيش حياة بائسة وظالمة، ولكنها ترفض الإستسلام وبتكافح زي أي ست مصرية، ودايماً عندي إحساس إن الست المصرية مُكافحة، وبجد الستات الكويسة بتعيش على قد حالها”.
وواصلت زينة: “وشخصيتي هيكون فيها ظلم مشاعر وكذب، وأنا شايفة إن أي عمل حتى وإن كان ساعات بيكون مسؤولية، وأنا أغلب الوقت بكون مترددة إني أعمل الحاجات دي، ووالله بكون متقنة الحاجة دي أكتر من غيرها”.
وأنهت الفنانة زينة: “وبجد الوجع الرومانسي للشخصيات الدرامية بيكون شغله أجمل وأفضل، وأهم حاجة إن بطلة العمل مكتنش مستهترة بأي مشهد تعمله، ولما تعمل فيلم كبير ضروري تكون حقيقية وبتقدم رسالة”.
المصدر: موقع نحوم مصرية.
