أخبار الفن

نهى عابدين رداً على منتـ.ـقدى “تحت الوصاية”: «جه على الوجع»

كشفت نهى عابدين، عن كواليس مشاركتها مع الفنانة منى زكى بمسلسل “تحت الوصاية”، وتحدثت عن فترة اكتئابها ونجاحها فى تخطى تلك المرحلة.

وأكدت الفنانة، أثناء استضافتها ببرنامج “الستات مايعرفوش يكدبوا”، والذى يُذاع عبر فضائية “cbc”، وقالت:ـ “بجد الستات مظلومين، وحقيقي صعب اللي بيحصل مش بس فى مسلسل تحت الوصاية، وكمان كل اللي بيحصل فى المجتمعات العربية، وبجد العمل جه على الوجع، والستات مش واخدة أبسط حقوقها”.

وتحدثت الفنانة، عن التعاون مع منى زكى وقالت:ـ “نفسي أوي أعمل دور مختلف ويضيف ليا ويكون عمل مهم، وكان نفسي إني أشتغل أمام منى زكى، وده علشان استفدت منها واتعلمت الالتزام معاها، وهى بتحترم المخرج مهما كانت نجوميتها ومش مُتسلطة، وورا الكواليس بتسمع لكل واحد فينا، ومش بيهمها شكلها وكل اللي بيهمها إنها تقدم الدور، وحقيقي عندها ثقة بنفسها وبسيطة أوي، ولسه عندها شغف فى التمثيل، ولما بتدخل اللوكيشن بتبقى مرعوبة ومُتوترة”.

وتحدثت نهى خلال اللقاء، عن فترة اكتئابها وقالت:ـ “تركت نفسي للاكتئاب وتملك مني وعملت كل حاجة.. وصلت لقاع الاكتئاب، وده علشان سيبت نفسي للحزن وقفلت على روحي وقعدت فى عزلة، والتجربة دي خلتني أكتشف إن الجلوس وحدي معناها إني قررت ادمر نفسي، واللي عملته ساعتها مكنش ينفع، وبعدها ابتديت أقوم وروحت لطبيب نفسى، وإحنا كـ بني آدمين المفروض كل فترة نروح لطبيب نفسى، وبجد فضلت أحضر كتير لمشهد الجهاز وهو بيتكسر نفسياً، وكمان المشهد الأخير فى العمل”.

وأنهت عابدين حديثها وقالت:ـ “أنا شخصية حمولة وعاطفية أوي، ولما بيكون عندي تراكمات ببقى عاوزة اختفي، وفكرت أكتر من مرة إني اعتزل واهاجر، والبني آدم منا حياته عبارة عن شوية دوائر مُتصلة ببعضها، ولو دائرة حصل فيها خلل هتأثر على الباقي”.

المصدر: موقع نجوم مصرية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى